افغانستان کے صدراشرف غنی نے ملکی تاریخ کی پہلی خاتون کوسپریم کورٹ کے اعلی کونسل کا رکن مقررکر دیا۔
ذرائع ابلاغ کے مطابق انیسہ راسولی افغانستان کی تاریخ کی پہلی خاتون جج ہوں گی جنہیں اس قسم کے سینیئرعدالتی عہدے پرمتعارف کروایا گیا ہے جو کہ پارلمینٹ کی توثیق کے بعد باضابطہ طور اپنے عہدے کا حلف اٹھائیں گی۔
انیسہ نے کابل یونیورسٹی سے قانون اورپولیٹیکل سائنس میں ایم اے کیا ہے۔انھوں نے بتایا کہ وہ عدالت میں مزید خواتین جج لانے اورخواتین پرتشدد کے کیسوں کے ازالہ کیلئے ہرممکن کوشش کریں گی ۔