بی بی سی کی رپورٹ کو مسترد کرتے ہوئے ایم کیو ایم رابطہ کمیٹی کا کہنا ہے ایم کیوایم ایک محب وطن سیاسی جماعت ہے جو پاکستان کی یکجہتی اور استحکام پر کامل یقین رکھتی ہے ۔
ایم کیوایم کے حوالے سے بی بی سی کی رپورٹ پر ردعمل دیتے ایم کیو ایم رابطہ کمیٹی نے رپورٹ میں لگائے گئے الزامات کو مسترد کرتے ہوئے کہا ہے کہ متحدہ ایک محب وطن سیاسی جماعت ہے ۔ رابطہ کمیٹی کا کہنا تھا ایم کیوایم پاکستان کی یکجہتی اوراستحکام پر کامل یقین رکھتی ہے۔
ایم کیو ایم رابطہ کمیٹی کا کہنا تھا ماضی میں جناح پور بنانے کی سازش سمیت متعدد الزامات لگائے گئے، بی بی سی کی رپورٹ ایم کیوایم کے خلاف میڈیا ٹرائل کا حصہ ہے، اس لئے رابطہ کمیٹی رپورٹ میں لگائے گئے تمام الزامات مسترد کرتی ہے ۔