خادم حرمین شریفین کی جانب سے شروع کیے گئے توسیع حرم کے منصوبے کے تحت آن لائن قرآن کریم کی کلاسز کا بھی اہتمام کیاگیا ہے، آن لائن قرآن کی کلاسزصبح وشام جاری ہیں جن میں روزانہ 24 مرد اساتذہ اور 12 معلمات خدمات انجام دے رہی ہیں۔
ذرائع ابلاغ کے مطابق اس وقت حرم مکہ کے آن لائن تدریس قرآن سرکل میں 70 ہزار طلباء وطالبات قرآن پاک کی تعلیم حاصل کررہے ہیں۔ توسیع حرم کے پراجیکٹ کے تحت اس شعبے میں بھی مزید وسعت لانے کا فیصلہ کیا گیا ہے جس کی وجہ آن لائن قرآن کریم پڑھنے میں دلچسپی رکھنے والے غیرملکی مسلمانوں کی تعداد میں غیرمعمولی اضافہ ہے۔
