ملک میں سیمنٹ انڈسٹری کی طلب بڑھنا شروع ہوگئی جس کے باعث سیمنٹ کی برآمدات مارچ میں انتالیس فیصد گر گئیں
آل پاکستان سیمنٹ مینوفیکچررز ایسوسی ایشن کی جانب سے گزشتہ روز جاری کردہ اعدادوشمار کے مطابق مجموعی طور پر مارچ میں فروخت تین ملین ٹن رہی جو گزشتہ برس کی تین اعشاریہ ایک ملین ٹن فروخت سے پانچ اعشاریہ آٹھ فیصد کم ہے، رواں مالی سال کے ابتدائی نو ماہ میں انڈسٹری کی مقامی فروخت بیس اعشاریہ چار ملین ٹن رہی جو آٹھ اعشاریہ چار فیصد اضافے کو ظاہر کرتی ہے، اس دوران ملکی برآمدات نو اعشاریہ پانچ فیصد کم ہوکر پانچ اعشاریہ چار ملین ٹن رہیں، جولائی سے مارچ تک سیمنٹ کی مجموعی فروخت چار اعشاریہ صفر چھ فیصد کے اضافے سے پچیس اعشاریہ سات ملین ٹن ہوگئی جو گزشتہ مالی سال کی اسی مدت میں چوبیس اعشاریہ سات ملین ٹن تھی۔
