گوگل ٹیکنالوجی استعمال کرنے والے صارفین کو مزید آسانی مہیا کرنے کے لیے بٹن اور ٹچ کے بجائے صرف ہاتھ کے اشاروں کو سمجھنے والی چپ تیار کرنے میں مصروف ہے جس کا نام سولی رکھا گیا ہے۔
گوگل کے مطابق اس چپ کے استعمال کرنے والوں کو یہ آسانی ہوگی کہ انکو اسکرین پر ٹچ نہیں کرنا پڑے گا جبکہ صرف ہاتھ کے اشاروں سے ہی ہر کام بہ آسانی کیا جا سکے گا۔ مثال کے طور پر موبائل استعمال کرنے والوں کو نمبر ڈائل کرنے کے لئے موبائل اسکرین پر ٹچ نہیں کرنا پڑے گا جبکہ صرف انگلیوں کے اشارے سے ہی مطلوبہ نمبر ڈائل ہوجائے گا۔
ریسرچر آئیون پوپریف کے مطابق اس سے مماثلت رکھنے والا کیمرہ پہلے تخلیق کیا جا چکا ہے جبکہ گوگل نے اپنے اس پراجیکٹ کے لیے الگ سے ایک چپ تیار کی ہے جو کہ کسی بھی ڈیوایس میں بآسانی لگائی جا سکتی ہے۔
