کراچی: پیپلز پارٹی کے چیئرمین بلاول بھٹو نے کراچی سمیت سندھ بھر میں گرمی سے ہونے والی اموات کا نوٹس لیتے ہوئے اعلیٰ سطح کا اجلاس آج شام بلاول ہاؤس میں طلب کر لیا ہے، تمام متعلقہ اداروں کو اجلاس میں شرکت کی ہدایت کردی ۔
ذرائع کے مطابق پیپلزپارٹی کے چیئرمین بلاول بھٹو نےقیامت خیز گرمی کے باعث ہونے والی اموات کا نوٹس لیتے ہوئے سخت برہمی کا اظہار کیا۔ صورتحال پر غور کیلیے آج شام تین بجے بلاول ہاؤس میں اجلاس طلب کرلیاہے ۔
اجلاس میں وزیراعلیٰ سندھ سید قائم علی شاہ ، تمام وزرا اور اسٹیبلشمنٹ سیمت ایڈ یشنل ڈائریکٹر جے پی ایم سی جناح اسپتال سیمی جمالی کو بھی مدعو کیا گیا ہے جہاں وہ شہر بھر میں ہونے والی اموات اور ذمہ داران کے تعین کے لئے اجلاس کو بریفنگ دیں گی۔
اس سے قبل پیپلز پارٹی کے چیئرمین بلاول بھٹو زرداری اچانک دبئی سے کراچی سے پہنچے ان کے ہمراہ سینیٹر رحمان ملک بھی موجود تھے۔ پارٹی زرائع کے مطابق بلاول بھٹو کراچی میں دوروزہ قیام کے بعد لاہور جائیں گے، جہاں وہ وفاقی دارالحکومت میں 26 جولائی کو ہونے والے بلدیاتی انتخابات کے حوالے سے پارٹی کی سینئیر رہنماؤں سے ملاقات کرینگے اور مستقبل کے لائحہ عمل کو عملی جامہ پہنائے گے۔
