اسلام آباد : کراچی سمیت سندھ میں شدید گرمی کے متاثرہ افراد کےلئے نیسلے پاکستان لمیٹڈ نے قدرتی آفات سے نمٹنے کے قومی ادارے (این ڈی ایم اے) کو 80 ہزار لیٹر پینے کے پانی کا عطیہ دیا ہے ۔
کمپنی کی جانب سے جاری کردہ پریس ریلیز کے مطابق کراچی اور اندرون سندھ میں قائم کئے گئے خصوصی طبی مراکز میں پاک فوج کی جانب سے چار جبکہ سندھ رینجرز کی طرف سے دس خصوصی مراکز قائم کئے گئے ہیں۔
نیسلے پاکستان کے کارپوریٹ افیئرز کے سربراہ وقار احمد نے کہا ہے کہ ہم مصیبت کی اس گھڑی میں اپنے بھائیوں کے ساتھ ہیں اور ان کی ہرطرح سے ممکنہ مدد کرتے رہیں گے۔
واضح رہے کہ یہ پانی ہیٹ اسٹروک کےلئے قائم کئے گئے خصوصی طبی مراکز پر تقسیم کیا جائےگا
