کولمبوٹیسٹ کے چوتھے روز کھانے کے وقفے تک پاکستان نے 4وکٹوں کے نقصان پر244رنز بنالیے ہیں اور اسے دوسری اننگز میں 67رنز کی برتری حاصل ہوگئی ہے۔
کھیل کے چوتھے روز گرین کیپس نے 171رنز 2کھلاڑی آؤٹ پر اپنی دوسری نامکمل اننگز آگے بڑھائی تو ابتدائی سیشن میں اس نے مزید 2وکٹیں گنوا کرکے 73رنز کا اضافہ کیا ۔
تجربہ کار بلے باز یونس خان بڑی اننگز کھیلنے میں ناکام رہے اور 40رنز بناکر کیچ آؤٹ ہوگئے۔قومی ٹیم کی چوتھی وکٹ کپتان مصباح الحق کی صورت میں گری جو 22رنز بناکر پرساد کی گیندپر ایلبی ڈبلیو ہوئے ۔
کھانے کے وقفے تک پاکستان نے 4وکٹوں کے نقصان پر 244رنز بنالیے ہیں اور وقت وکٹ پر اظہر علی اور اسد شفیق موجود ہیں۔اظہر علی 85رنز پر ناٹ آؤٹ ہیں جب کہ اسد شفیق نے 10رنز بنائے ہیں۔
