ہاکی ورلڈلیگ میں پاکستان آج اپنا آخری میچ فرانس کے خلاف کھیلے گا۔فائنل فور میں جگہ بنانے کے لیے قومی ٹیم کو میچ میں فتح حاصل کرنا لازمی ہے۔
بیلجئم کے شہر اینٹورپ میں کھیلے جا رہے اولمپکس کوالیفائنگ راؤنڈ میں آج پاکستان اور فرانس کا مقابلہ ہو گا ۔ قومی ٹیم کا آخری گروپ میچ پاکستانی وقت کے مطابق دن تین بجے شروع ہو گا ۔ اس سے پہلے مقابلے میں دونوں روایتی حریف پاکستان اور بھارت کی ٹیمیں آمنے سامنے آئی تھیں ۔ سنسنی خیزی پھیلاتا میچ دو دو کے سکور کی برابری پر ختم ہوا تھا ۔ ایک ایک پوائنٹ لینے والی دونوں ٹیمیں کوارٹر فائنل مرحلہ کھیلیں گی۔
