ورلڈ ہاکی لیگ میں پاکستان اور فرانس کے درمیان کھیلے جانے والا میچ 2، 2 گول سے برابر ہوگیا ہے۔
گرین شرٹس اور فرنچ ٹیمز کے درمیان سنسنی خیز مقابلہ ہوا جس میں حریفوں نے ایک دوسرے پر برتری حاصل کرنے کے لئے نہایت عمدہ کھیل پیش کیا تاہم میچ کے اختتام تک دونوں ٹیمیں ایک دوسرے کے خلاف 2 ، 2 گول ہی کرسکی جس کے نتیجے میں میچ برابر ہوگیا۔
میچ کے پہلے کواٹر میں فرانس کی ٹیم نے گول کر کے گرین شرٹس پر برتری حاصل کرلی تھی تاہم تھرڈ کوارٹر میں پاکستان نے پہلا گول کرکے فرانس کی برتری کو ختم کردیا تھا جبکہ یہ برتری زیادہ تیر تک برقرار نہیں رہ سکی۔ فرنچ ٹیم نے جلد ہی دوسراگول کر کے میچ کو اپنے حق میں کرلیا تھا جس کو شاہیینوں نے میچ کے آخری لمحات میں گول کر میچ 2، 2 گول سے برابر کردیا جبکہ کھیل کے اختتام پر پاکستان اور فرانس کی ٹیموں کے حصے میں ایک ایک پوئینٹ آیا۔
پاکستان کی جانب سے وقاص شریف اور رضوان جونیئر نے فرنچ ٹیم کے خلاف ایک ایک گول اسکور کیے۔
