پرویز رشید کا کہنا ہے کہ ایم کیو ایم سے متعلق حکومت برطانیہ سے مدد مانگ لی گئی ہے جبکہ متحدہ قومی مومنٹ کے خلاف ثبوت اسکاٹ لینڈ یارڈ کے پاس موجود ہیں۔
وفاقی وزیر اطلاعات و نشریات پرویز رشید کا اپنے ایک بیان میں کہنا تھا کہ ایم کیو ایم کے سینیئر رہنماوں طارق میر اور محمد انور کے بیانات نہایت تشویشناک ہیں جبکہ متحدہ قومی مومنٹ کو خود پر لگائے گئے داغ کو دھونا ہوگا۔ تاہم اگر ایم کیو ایم پر لگے ہوئے الزامات درست ثابت ہوجاتے ہیں تو متحدہ قومی مومنٹ کے خلاف قانونی کاروائی کی جائے گی۔
پرویز رشید کا مزید کہنا تھا کہ امید ہے پاکستان عوامی تحریک کے سربراہ دوبارہ پاکستان آمد پر ماضی میں کی جانے والی غلطیوں کو نہیں دھرائیں گے۔
