ہاکی ورلڈلیگ کے کوارٹر فائنل میں پاکستان اور انگلینڈ کی ٹیمیں آج مدمقابل ہوں گی۔میچ میں فتح سے قومی ٹیم کی ریو اولمپک کی راہ ہموار ہوجائے گی۔
بیلجئم میں جاری ورلڈ ہاکی لیگ کا دوسرا کواٹر فائنل پاکستان اور انگلینڈ کے درمیان آج شام ساڑھے چھ بجے کھیلا جائے گا۔ پاکستان گروپ اے میں پانچ پوائنٹس کے ساتھ تیسری نمبر پر ہے جب کہ انگلینڈ گروپ بی میں آٹھ پوائنٹس کے ساتھ دوسرے نمبر پر رہا۔
اولمپکس میں کوالیفائی کرنے کیلئے قومی ٹیم کا انگلینڈ کے خلاف کامیابی حاصل کرنا ضروری ہے۔ ناکامی کی صورت میں اسے میگا ایونٹ میں شرکت سے محروم ہونا پڑے گا۔
