ایف آئی اے اینٹی کرپشن نے کارروائی کر کے سول ایوی ایشن اتھارٹی کے چیف ایچ آر اور 2 ڈائریکٹرز سمیت 4 افراد کو گرفتار کر کے مقدمہ درج کر لیا ۔
ایف آئی اے اینٹی کرپشن نے قومی خزانے کو اربوں روپے کا نقصان پہنچانے پر سی اے اے کے چیف ایچ آر اور 2 ڈائریکٹر سمیت 4 افسران کو گرفتار کر لیا ۔ ترجمان ایف آئی اے کا کہنا ہے سول ایوی ایشن اتھارٹی کے گرفتار افسران میں دو موجودہ اور دو سابق افسران شامل ہیں ۔
ترجمان ایف آئی اے کا کہنا ہے گرفتار افسران پر زمینوں کے معاملات میں غبن کا الزام ہے، ترجمان کا کہنا ہے ملزمان پر کروڑوں روپے مالیت کی اراضی 7 روپے فی گز کے حساب سے کرائے پر دیے جانے کا الزام ہے۔ ترجمان کا کہنا ہے ملزمان کے عمل سے قومی خزانے کو اربوں روپے کا نقصان پہنچا ہے ۔
