کراچی کے علاقے گلستان جوہر میں رینجرز نے کارروائی کرتے ہوئے سیاسی جماعت کے اہم عہدیدار سمیت چار افراد کو گرفتار کرلیا ۔
ذرائع کے مطابق رینجرز نے اتوار کے روز گلستان جوہر میں ایک رہائشی عمارت میں انٹیلی جنس کی اطلاع پر چھاپہ مارا اور سیاسی جماعت کے اہم عہدیدار سمیت 4افراد کو گرفتار کرلیا۔
گرفتار افراد کو نامعلوم مقام پر منتقل کردیا گیا ہے جہاں ان سے تفتیش کی جارہی ہے تاہم فوری طور پرگرفتار افراد کی شناخت ظاہر نہیں کی گئی۔
دوسری جانب شہر کے مختلف علاقوں میں رینجرز نے کارروائیاں کرتے ہوئے 63ملزمان کو گرفتار کرکے ان کے قبضے سے اسلحہ اور منشیات برآمد کرلیں۔
