پشاورمیں اتوار کے روز بھی شدید گرمی پڑی اور سورج سارا دن آگ برساتا رہا جس کے باعث شہر کی سڑکیں سنسان اور بازار ویرانے کا منظر پیش کرتے رہے ۔
ملک کے بعض دیگر شہروں کی طرح صوبائی دارالحکومت پشاورمیں بھی آئے روز گرمی کی شدت بڑھتی جا رہی ہے جس سے لوگوں کو
پریشانی اور مشکلات کا سامنا ہے ۔
اتوار کے روز بھی شہر میں شدید گرمی پڑی اور دوپہر کے وقت درجہ حرارت مزید بڑھ جانے کے باعث لوگ گھروں میں محصور ہو کر رہ گئے جبکہ تاجروں نے بھی دکانیں بند کر کے گھروں کا رخ کر لیا ۔اسی طرح سڑکوں پر ٹرانسپورٹ بھی کم رہی ۔
دوسری جانب پشاورکی مساجد میں نمازوں کی ادائیگی کے بعد باران رحمت کیلئے خصوصی دعاؤں کا سلسلہ بھی شروع ہو گیا ہے۔
