پالی کیلے ٹیسٹ میں سری لنکا اپنی دوسری اننگز میں 313رنز بناکرآؤٹ ہوگئی۔میزبان ٹیم نے پاکستان کو جیت کے لیے 377رنز کا ہدف دیا ہے۔
تین میچوں کی سیریز کے آخری اور فیصلہ کن ٹیسٹ کے چوتھے روزسری لنکا نے 5آؤٹ 228رنز سےاپنی دوسری نامکمل اننگز آگے بڑھائی تو باقی پانچ کھلاڑی 85رنز کا اضافہ کرکے آؤٹ ہوگئے۔کپتان میتھیوز نے شاندار سنچری اور چندیمل نے نصف سنچری اسکور کی۔
پاکستان کی جانب سے دوسری اننگز میں فاسٹ بالر عمران خان نے سب سے زیادہ 5وکٹیں حاصل کیں جب کہ یاسر شاہ اور راحت علی 2،2اور احسان عادل نے ایک کھلاڑی کو آؤٹ کیا۔
ہدف کے تعاقب میں پاکستان نے اب سے کچھ دیر قبل اپنی بیٹنگ کا آغاز کیا ہے۔
