وفاقی دارالحکومت اسلام آباد میں خوفناک ٹریفک حادثے میں 20افراد جاں بحق جب کہ متعدد زخمی ہوگئے ہیں۔
پولیس کے مطابق واقعہ ترنول فتح جنگ روڈ پر پیش آیا جہاں مسافر وین اور کوسٹر آپس میں ٹکراگئے۔خوفناک تصادم کے نتیجے میں 15افراد موقع پر ہی دم توڑ گئے جب کہ 5افراد زخموں کی تاب نہ لاتے ہوئے اسپتال میں چل بسے۔حادثے میں متعدد مسافر زخمی بھی ہوئے جنہیں پمزاسپتال منتقل کردیا گیا ہے۔
جائے حادثہ پر ریسکیو ٹیمیں پہنچ گئی ہیں اور امدادی کارروائیاں جاری ہیں۔پولیس کا کہنا ہے کہ حادثہ تیز رفتاری کے باعث پیش آیا۔
