پاکستان اور آسٹریلیا کی کرکٹ ٹیموں کے درمیان چوتھا ون ڈے انٹرنیشنل اتوار کو سڈنی کرکٹ گراؤنڈ میں کھیلا جائے گا۔ میچ ڈے اینڈ نائٹ ہوگا اور پاکستانی وقت کے مطابق صبح 8 بج کر 20 منٹ پر شروع ہوگا۔
آسٹریلیا کو پانچ میچوں کی سیریز میں2-1 کی برتری حاصل ہے۔ کینگروز نے پہلے میچ میں 92 رنز سے کامیابی حاصل کی، دوسرے میچ میں گرین شرٹس نے عمدہ کم بیک کیا اور میچ 6 وکٹوں سے جیت کر سیریز برابر کر دی۔
پرتھ میں کھیلے گئے تیسرے میچ میں آسٹریلیا نے پاکستان کو 7 وکٹوں سے ہرا کر سیریز میں ایک بار پھر برتری حاصل کر لی۔ واضح رہے کہ دونوں ٹیموں کے درمیان سیریز کا پانچواں ون ڈے میچ 26 جنوری کو ایڈیلیڈ میں کھیلا جائیگا۔
