رویت ہلال ریسرچ کونسل کے سیکریٹری جنرل معروف ماہر فلکیات خالد اعجاز مفتی نے جمعہ کی شام شوال کا چاند نظر آنے کی پیش گوئی کردی۔
اطلاعات کے مطابق رویت ہلال ریسرچ کونسل کے سیکریٹری جنرل معروف ماہر فلکیات خالد اعجاز مفتی کا کہنا ہے کہ شوال کا چاند جمعہ کی شام کو نظرآنے کا امکان ہے اور عید الفطر ہفتہ کی روز ہوگی۔
اعجاز مفتی نےامکان ظاہر کیا ہے کہ نیا چاند جمعہ29 رمضان المبارک بمطابق 17جولائی 2015 کی شام موسم صاف ہونے کی صورت میں بلوچستان اور سندھ کے اکثر علاقوں میں نظر آجائے گا لہذا شوال المکرم 1436ھ کا آغاز ہفتہ 18جولائی 2015 سے ہوگا اور عیدالفطر 18جولائی کو ہوگی۔
