پاکستان تحریک انصاف کے چیئرمین عمران خان نے کراچی اور سندھ کے عوام کو پانی کی مطلوبہ مقدار نہ ملنے کوڑا کرکٹ نہ اٹھوانے اور دیگر بنیادی حقوق سے محرومی کے خلاف پرامن احتجاج کرنے کا اعلان کرتے ہوئے کہا کہ کرپشن کی وجہ سے کراچی کے لوگوں کو پانی تک پورا نہیں ملتا ۔ مافیا پانی سے پیسے بنا رہا ہے اور عوام پانی کو ترس رہے ہیں ۔
کراچی صفورہ گوٹھ میں کارکنوں سے خطاب کرتے ہوئے عمران خان نے کہا کہ آج میں صرف ایک مختصر دورے پر یہاں آیا ہوں جسیے ہی پاناماسے فارغ ہوں گا۔ اللہ تعالی جلدی اس کیس سے فارغ کریں جیسے ہی ہم پاناماسے فارغ ہوں گے کراچی سے لے کر پورے سندھ کا دورہ کریں گے پانی ہونے کے باوجود یہاں کے لوگوں کو پانی نہیں مل رہا ایک چھوٹا سا مافیا اس پر پیسے بنا رہا ہے ۔ اس کیلئے تحریک انصاف مظاہرے کرکے دبائو ڈالے گی کوڑے کرکٹ اور گندگی کیلئے بھی اپوزیشن بن پر پرامن احتجاج کریں گے ۔ حکومت پر دبائو ڈالیں گے کہ مافیا لوگوں کے بنیادی حقوق کی خلاف ورزی کررہا ہے ۔ جدوجہد کرکے کراچی اندرون سندھ اور سندھ کے دیہی علاقوں کو حقوق دلائیں گے ۔
