بحرین میں انقلاب کی سالگرہ کے موقعے پر عوام نے بڑے پیمانے پر مظاہروں کا آغاز کیا۔ مظاہرین کو کچلنے کے لئے آل خلیفہ حکومت نے طاقت کا استعمال کیا ۔
غیرملکی خبررساں ایجنسی کے مطابق منگل کے روز پورے بحرین میں ” عوام انقلاب ” کی سالگرہ منانے کے لئے عوام کا جم غفیر سڑکوں پر نکل آیا اور حکومت کے خلاف شدید نعرے بازی کی ۔ میڈیا رپورٹ کے مطابق آل خلیفہ کی متعصب اور نسل پرست حکومت نے پرامن مظاہروں کو روکنے کے لئے طاقت کا استعمال کیا جس کی وجہ سے پولیس اور مظاہرین میں جھڑپوں کا آغاز ہوا ۔
مظاہرین اپنے ہاتھوں میں بحرین کا پرچم اور جیلوں میں قید سیاسی رہنماؤں کی تصویریں اٹھائے ہوئے۔ مظاہرین نے مطالبہ کیا کہ قید سیاسی رہنماؤں فوری طور پر رہا کیا جائے۔
ذرائع ابلاغ کی رپورٹ کے مطابق 14 فروری کو ہر قسم کے حکومت مخالف مظاہروں کا سدباب کرنے کے لئے بحرینی سیکورٹی اہلکار نے مظاہروں کو روکنے کے لئے آنسو گیس اور ربڑ کی گولیوں کا بے دریغ استعمال کیا جس کی وجہ سے متعدد مظاہرین زخمی ہو گئے ۔
واضح رہے کہ جہاں آل خلیفہ کی جابر و ظالم حکومت انقلابی جوانوں کے حوصلے پست کرنے کی غرض سے عام شہریوں پر مختلف قسم کے مظالم ڈھارہی ہے وہیں اسرائیلی فوج کے خصوصی دستے بحرینی پولیس کو تربیت اور سیکورٹی فرائض انجام دینے کیلئے منامہ پہنچ گئے ہیں۔