قانون نافذ کرنے والے اداروں کے اہلکاروں نے کوئٹہ شہر کے مختلف علاقوں میں سرچ آپریشن کے دوران غیر قانونی طور پر مقیم 35 سے زائد مشتبہ افراد کو گرفتار کرکے مقدمات درج کر لئے ہیں ۔
پولیس حکام کے مطابق کوئٹہ شہر کے مختلف علاقوں میں پولیس اور قانون نافذ کرنے والے اداروں کے اہلکاروں نے سرچ آپریشن کے دوران 35 سے زائد افغان باشندوں کو گرفتار کر کے اسلحہ برآمد کر لیا ہے ۔ پولیس حکام کا کہنا ہے کہ گرفتار باشندوں کو فارن ایکٹ کے تحت گرفتار کیا گیا ہے ۔ جن کے خلاف مختلف تھانوں میں مقدمات درج کر لئے گئے ہیں ۔
