وزیر اعظم پاکستان میاں نواز شریف 22 فروری کو دو روزہ دورے پر ترکی جائیں گے جہاں وہ ترک صدر طیب اردوگان اور وزیر اعظم سمیت دیگر اعلیٰ حکام سے ملاقاتیں کریں گے۔
ذرائع کے مطابق وزیر اعظم نواز شریف اپنے دورے کے دوران پا ک ترک دو طرفہ تعلقات، باہمی تجارت کے فروغ پر بات چیت کریں گے اس موقع پر خطے میں سیکیورٹی سے متعلق درپیش چیلنجز پر بھی ترکی کی اعلی قیادت سے تبادلہ خیال کیا جائے گا۔
اپنے دورہ ترکی کے دوران وزیراعظم ترک صدر طیب اردوگان اور وزیراعظم بن علی یلدرم سمیت بھی ملاقات کریں گے۔زرائع کا کہنا ہے کہ دونوں ملکوں کے درمیان تجارتی حجم کو بڑھانے پر بات چیت ہوگی۔
