عوامی مسلم لیگ کے سربراہ شیخ رشید احمد کا کہنا ہے کہ پاناما کیس کا فیصلہ ہمارے خلاف بھی آیا تو بھی ہم جیت جائیں گے ، میرا ایمان ہے کہ سپریم کورٹ سے کرپشن کا تابوت ضرور نکلے گا ۔
پاناما کیس کی سماعت سے قبل سپریم کورٹ کے احاطے میں میڈیا سے گفتگو کرتے ہوئے سربراہ عوامی مسلم لیگ کا کہنا تھا کہ انصاف ہونے میں تین دن رہ گئے ہیں ، سپریم کورٹ سے کرپشن کا تابوت ضرور نکلےگا ۔ حکومت نے انٹرنیشنل لابنگ شروع کر دی ہے ۔ وفود فرانس ، جرمنی ، امریکہ پہنچ گئے اور موصوف خود ترکی کے دورے پر جارہے ہیں ۔ شیخ رشید احمد کا کہنا تھا کہ پاناما کیس میں ہماری شکست بھی ہوئی تو جیت جائیں گے۔