آئندہ پانچ سالوں میں حکومت نے ٹیکسٹائل برآمدات 13 ارب ڈالر سے بڑھا کر 26 ارب ڈالر کرنے کا ایک منصوبہ بنایا ہے جس کے تحت چھوٹے اور درمیانے درجہ کے تجارتی اداروں اور برآمد کنندگان کو مراعات دی جائیں گی۔
ذرائع کے مطابق انفارمیشن ٹیکنالوجی کے استعمال کے اضافہ کیلئے بھی حکومت نئی سکیموں کا آغاز کرے گی اور حکومت کی جانب سے مراعات فراہم کی جائیں گی جبکہ جدید انتظامی امور کے استعمال کیلئے ٹیکسٹائل یونٹوں کی حوصلہ افزائی کی جائے گی۔ حکومت 12 ہزار کارکنوں کو ووکیشنل تربیت بھی فراہم کرے گی۔
