جرمنی میں صحافیوں پر زبانی اور جسمانی حملوں میں اضافہ ہو گیا ہے۔
ایک جائزے کے مطابق صحافیوں کے خلاف نفرت انگیز رویہ اور شدید ردعمل گزشتہ برس کے مقابلے میں نمایاں طور پر بڑھ گیا ہے۔ جرمن شہر بیلے فیلڈ کی یونیورسٹی کے اس جائزے میں تقریباً8 سو صحافیوں سے سوالات کیے گئے۔
ان میں سے 42 فیصد نے بتایا کہ ان پر کم از کم ایک مرتبہ حملہ ہوا ہے جبکہ 26 فیصد کے بقول صحافتی ذمہ داریوں کے دوران اْن پر کئی مرتبہ حملے ہو چکے ہیں۔
