وفاقی دارلحکومت نے اسلام آباد میں پاک فوج کے قیام میں مزید 90 روز کی توسیع کردی جس کا نوٹی فکیشن بھی جاری کردیا گیا ہے۔پاک فوج کے قیام میں توسیع چیف کمشنر اسلام آباد کی درخواست پر کی گئی ہے۔
وزارت داخلہ کی جانب سے جاری نوٹی فکیشن کے مطابق وفاقی دارالحکومت اسلام آباد میں پاک فوج کے قیام میں مزید 90 روز کی توسیع کردی گئی ہے جو چیف کمشنر اسلام آباد کی درخواست پر کی گئی۔
واضح رہے کہ اسلام آباد میں پاک فوج کے 350 دستے تعینات ہیں جنہیں 2014 میں آئین کے آرٹیکل 245 کے تحت طلب کیا گیا تھا جب کہ مختلف مواقع پر سیکیورٹی خدشات کے پیش نظر پاک فوج کے قیام میں توسیع کی جاتی ہے۔
آئین کے اس آرٹیکل کے تحت سول انتظامیہ کسی بھی ناخوشگوار صورتحال کے پیش نظر فوج کو کسی بھی موقع پر طلب کرسکتی ہے۔
