امیر جماعت اسلامی پاکستان سینیٹر سراج الحق کی سربراہی میں جماعت اسلامی کے اعلٰی سطحی وفد نے وزیر اعظم کے مشیر برائے امور خارجہ سرتاج عزیز سے ملاقات کی ۔ ملاقات میں سیکرٹری خارجہ اعزاز احمد چوہدری جماعت اسلامی کے سیکرٹری جنرل لیاقت بلوچ ،ڈپٹی سیکرٹری جنرل محمد اصغر اور ڈائریکٹر امور خارجہ عبدالغفار عزیز بھی شریک تھے ۔
سرتاج عزیز کی معاونت وزارت خارجہ کے سینئر ذمہ داران محمد نفیس ذکریااور محمد یاسر نے کی ۔ ملاقات میں کشمیر ،سمندر پار پاکستانیوں کے مسائل ،ڈاکٹر عافیہ صدیقی کی رہائی ،افغانستان اور خطے کی صورتحال سمیت قومی و بین الاقوامی امور پر تفصیلی تبادلہ خیال کیا گیا۔
