برطانوی جریدے نے بھی پاکستان میں پی ایس ایل فائنل کے انعقاد کو سراہتے ہوئے اسے اہم حکومتی اقدام قرار دیا ہے اور اس بات کو بھی خوش آئند قرارد یا ہے کہ دوسری جمہوری حکومت اپنی مدت پوری کرنے کی طرف جارہی ہے ۔
برطانوی جریدے نے اسٹاک ایکس چینج کی کارکردگی اور مردم شماری کرانے کو بھی حکومت کے ہم فیصلوں سے تعبیر کیا۔ برطانوی جریدے اکانومسٹ کے مطابق سری لنکا کی ٹیم پر حملے کے آٹھ سال بعد لاہور میں پی ایس ایل کا فائنل کرکٹ کے دیوانوں کا جوش ظاہر کر رہا تھا، دوسری جانب پاکستان میں دوسری جمہوری حکومت کا اپنی مدت پوری کرنا ظاہر کرتا ہے کہ پاکستان پھر سے ایک مستحکم اور ترقی کی جانب پیش رفت کرنے والا ملک ہے۔
ایک سال کے دوران اسٹاک ایکس چینج کی شاندار کارکردگی اور جی ڈی پی گروتھ کا 4 سے 5 فیصد ہونا بھی غربت میں خاتمے کا اشارہ ہے، پاکستان بھر میں لوڈ شیڈنگ کو پہلے کے مقابلے میں تقریباً نصف کردینا بھی نواز حکومت کی اہم کامیابیوں میں سے ایک ہے جبکہ مردم شماری کا انعقاد اور فاٹا کو خیبرپختون خوا میں شامل کرانا بھی اہم اقدام ہیں۔
