نیشنل ڈیزاسٹر مینجمنٹ اتھارٹی نے ملک بھر میں سیلاب سے ہونے والے تباہی پر رپورٹ جاری کر دی ۔ رپورٹ کے مطابق ملک بھر میں سیلاب سے 81 افراد جاں بحق جبکہ 45 زخمی ہوئے ہیں ۔
اسلام آباد سے جاری ہونے والے رپورٹ میں این ڈی ایم اے کا کہنا ہے سیلاب سے ملک بھر میں 2 لاکھ 94 ہزار اور 425 افراد متاثر ہوئے ہیں ۔ سیلاب سے ملک بھر میں 1921 مکانات ، 793 دیہات ہوئے ہیں ۔
نیشنل ڈیزاسٹر مینجمنٹ اتھارٹی کی رپورٹ کے مطابق سب سے حالیہ سیلاب سے سب سے زیادہ نقصان صوبہ خیبرپختونخوا میں ہوا ۔ کے پی کے میں سیلاب سے 38 افراد جاں بحق جبکہ 11 زخمی ہوئے ہیں ۔ خیبرپختون خوا میں 493 مکانات کو نقصان پہنچا ہے ۔
نیشنل ڈیزاسٹر مینجمنٹ اتھارٹی کی رپورٹ کے مطابق پنجاب میں سیلاب سے 11 افراد جاں بحق جبکہ 22 زخمی ہوئے ہیں ۔ رپورٹ کے مطابق پنجاب میں سیلاب سے 479 مکانات کو نقصان پہنچا ہے ۔ این ڈی ایم اے کی رپورٹ کے مطابق پنجاب میں سیلاب سے 375 دیہات متاثر ہوئےجبکہ پنجاب میں سیلاب سے 2 لاکھ 63 ہزار افراد متاثر ہوئے۔
نیشنل ڈیزاسٹر مینجمنٹ اتھارٹی کی رپورٹ کے مطابق بلوچستان میں سیلاب سے 8 افراد جاں بحق اور 8 زخمی ہوئے، بلوچستان میں سیلاب سے 118 مکانوں کو نقصان پہنچا ہے ۔
نیشنل ڈیزاسٹر مینجمنٹ اتھارٹی کی رپورٹ کے مطابق آزاد کشمیرمیں 19 افراد جاں بحق اور 2 افراد زخمی ہوئے ہیں جبکہ آزاد کشمیر میں سیلاب سے 178 مکانات کو نقصان پہنچا ہے ۔
نیشنل ڈیزاسٹر مینجمنٹ اتھارٹی کی رپورٹ کے مطابق گلگت بلتستان میں سیلاب سے 5 افراد جاں بحق اور 2 زخمی ہوئے ہیں ، گلگت بلتستان میں سیلاب سے 653 مکانوں کو نقصان پہنچا ہے ۔
