جماعت اسلامی سندھ کے نائب وسابق ایم این اے امیرمحمد حسین محنتی نے حکومت کی جانب سے ظالمانہ ود ہولڈنگ ٹیکس کیخلاف یکم اگست کو تاجر برادری کی ہڑتال کی مکمل حمایت کا اعلان کرتے ہوئے کہا ہے کہ جماعت اسلامی اس ظلم کیخلاف تاجر برادری کے ساتھ ہے۔
انہوں نے آج ایک بیان میں کہا کہ حکومت تاجر برادری کی حوصلہ افزائی کرکے صنعت وتجارت کو فروغ دینے کی بجائے اپنے ظالمانہ اقدامات سے معیشت وتجارت کو تباہ اور تاجر برادری کو احتجاج پر مجبور کررہی ہے۔ حکمران مہنگائی، کرپشن پر کنٹرول اور اپنی عیاشیاں بند کرنے کی بجائے ود ہولڈنگ ٹیکس جیسے ظالمانہ اقدامت کے ذریعے عوام کا خون نچوڑنے میں مصروف ہے۔ تاجر برادری اپنے معمولی اختلافات سے بالاتر ہوکر اس اہم مسئلے پر اتحاد ویکجہتی کا امظاہرہ کرتے ہوئے حکومت کو گھٹنے ٹیکنے پر مجبور کریں۔
صوبائی رہنماءنے حکومت سے مطالبہ کیا کہ وہ ملکی معیشت کی بہتری اور تجارت کے فروغ کیلئے ظالمانہ ود ہولڈنگ ٹیکس واپس لے اور تاجر برادری میں پائی جانے والی بے چینی کو ختم کیا جائے۔
