عنبر سلیم
ایسے وقت میں جب زیادہ تر کمپنیاں اپنے ہارڈویئر کا اعلان پریس یا اسی طرح کے ذرائع سے کررہی ہیں ، ایسے میں گوگل ایک نیا طریقہ احتیار کرنے جارہا ہے۔ اِس نے اعلان کیا ہے کہ ’جوابات آ رہے ہیں‘ 4 اکتوبر کو ایک ویب سائٹ اور میڈ بائی گوگل ٹوئٹر اکاؤنٹ کے ذریعے۔
یہ تاریخ ٹھیک ایک سال بعد کی ہے. گوگل فون پکسل اور پکسل ایکس ایل کو سان فرانسسکو کی تقریب میں متعارف کروایا گیا تھا۔ لہٰذا اب صارفین کو انتظار ہے کہ پکسل 2 میں کیا ہے۔ یہ بھی افواہ ہے کہ یہ اسنیپ ڈریگن 836 کے ساتھ آرہا ہے۔ اگرچہ کوالکوم نے اِس بات سے انکار کیا ہے کی ایسی کوئی چِپ موجود ہے۔
گوگل چونکہ خود ایک سرچ انجن ہے اور دنیا بھر کے لوگ زیادہ تر سوالات براہ راست گوگل سے ہی کرتے ہیں، عموماً جو مختلف سوالات کے جوابات لوگ گوگل پر تلاش کرتے ہیں جن میں کچھ یہ ہیں۔
میرے فون کی بیٹری کے ساتھ کیا مسئلہ ہے؟
میرے فون کی اسٹوریج ہر وقت کم کیوں رہتی ہے؟
میرے فون پر تصاویر بلر کیوں آتی ہیں؟
میرا فون خود اپ ڈیٹ کیوں نہیں ہوتا؟
میرا اسمارٹ فون اِتنا آہستہ کیوں ہے؟
میرا اسمارٹ فون جلدی گرم کیوں ہو جاتا ہے؟
اُمید کی جا رہی ہے کہ کمپنی ان سوالات کی بنیاد پر ایسے مسائل کا حل پکسل 2 میں لائے گی۔ ابھی اِس بارے میں کوئی خبر نہیں ہے کہ یہ تقریب کب ہوگی۔ ہاں یہ بھی ممکن ہے کہ اس تقریب کو براہِ راست نشر کیا جائے۔
