آئی سی سی نے پاکستانی کرکٹر سلمان بٹ اور محمد آصف سے یکم ستمبر سے پابندی اٹھانے کا اعلان کردیا ۔ اعلان کے مطابق دونوں کھلاڑی 2 ستمبر سے قومی اور بین الاقوامی کرکٹ کھیلنے کے اہل ہوں گے ۔
دبئی : انٹرنیشنل کرکٹ کونسل نے سپاٹ فکسنگ میں ملوث پاکستانی کرکٹر سلمان بٹ اور محمد آصف پر یکم ستمبر سے کرکٹ کھیلنے پر پابندی اٹھانے کا اعلان کردیا ۔ آئی سی سی کے اعلان کے مطابق محمد آصف اور سلمان بٹ 2 ستمبر سے قومی اور بین الاقوامی کرکٹ کھیل سکیں گے ۔ انٹرنیشنل کرکٹ کونسل نے جوے کا الزام ثابت ہونے پر محمد آصف پر 7 سال کے لئے جبکہ سلمان بٹ پر 10 کے لئے کرکٹ کھیلنے پر پابندی عائد کی تھی ۔ آئی سی سی نے دونوں کھلاڑیوں پر 5 فروری 2011 کو پابندی عائد کی تھی ۔ آئی سی سی حکام کا کہنا ہے اینٹی کرپشن یونٹ دونوں کھلاڑیوں پر نظر رکھے گا ۔
