پاکستان بلائنڈ کرکٹ سپر لیگ کل سے شروع ہوگی

اسلام آباد(جسارت نیوز)پاکستان بلائنڈ کرکٹ سپر لیگ کاآغاز کل سے ہو رہا ہے ۔سپر لیگ میں ملک بھر سے 5ٹیمیں شرکت کریں گی۔ایونٹ15 اکتوبر تک جناح اسٹیڈیم گوجرانوالہ میں جاری رہے گا۔ تفصیلات کے مطابق پاکستان بلائنڈ کرکٹ کونسل کی زیراہتمام پاکستان بلائنڈ کرکٹ سپر لیگ 10 سے 15 اکتوبر تک جناح اسٹیڈیم گوجرانوالہ میں کھیلا جائے گا۔ سپر لیگ میں ملک بھر سے 5 ٹیمیں اسلام آباد، پشاور، گوجرانوالہ، بہاولپور اور آزاد جموں و کشمیر کی ٹیمیں شرکت کریں گی۔ ایونٹ کی تیاری کے سلسلے میں کھلاڑیوں کا تربیتی کیمپ پی اے ایف کرکٹ گراؤنڈ پر جاری ہے اور تربیتی کیمپ میں 30 کھلاڑی حصہ لے رہے ہیں جن کو کوچ ابرار شاہ جدید اور اعلی تربیت دے رہے ہیں۔ تربیتی کیمپ سے منتخب ٹیم پاکستان بلائنڈ کرکٹ کونسل کے زیر اہتمام 10 اکتوبر سے جناح اسٹیڈیم گوجرانوالہ میں پاکستان بلائنڈ کرکٹ سپر لیگ میں شرکت کرے گی۔