عالمی بلائنڈ کرکٹ ‘ کھلاڑیوں کا تربیتی کیمپ 22اکتوبرکو شروع ہوگا

اسلام آباد(جسارت نیوز)پاکستان بلائنڈ کرکٹ کونسل کے زیر اہتمام پانچویں عالمی بلائنڈ کرکٹ کپ کی تیاری کیلیے قومی کھلاڑیوں کے تربیتی کیمپ کے دوسرے مرحلے کا آغاز 22 اکتوبر سے شروع ہوگا۔ تربیتی کیمپ فیصل آباد کے اقبال اسٹیڈیم میں شروع ہو گا۔ پاکستان بلائنڈ کرکٹ کونسل کے چیئرمین سید سلطان شاہ کے مطابق ورلڈ کپ کی تیاری کیلیے تربیتی کیمپ میں اوکاڑہ کیمپ سے شارٹ لسٹ شدہ 23 کھلاڑیوں کو مدعو کیا گیا ہے جن کھلاڑیوں کو مدعو کیا گیا ہے ان میں عامر اشفاق، ظفر اقبال، محمد ایاز، ریاست خان، محمد آصف، محمد اسامہ، ہارون خان، معین علی، بدر منیر، انیس جاوید، نثار علی، محمد ایوب خان، ذیشان عباسی، محمد جمیل، محسن خان، اسرار الحسن، محمد اعجاز، مطیع اللہ، محمد راشد، کامران اختر، ثنا اللہ اور راہد اللہ شامل ہیں۔کھلاڑیوں کو کوچ عبدالرزاق اور ٹرینر طاہر محمود بٹ تربیت دیں گے۔ انہوں نے کہا کہ ورلڈ کپ کیلیے ہم نے تربیتی کیمپ کو3 مرحلوں میں تقسیم کیا ہے۔ پہلا تربیتی کیمپ 9 سے 15ستمبر کو اوکاڑہ میں، دوسرا 22سے29ستمبر کو فیصل آباد اور حتمی ٹیم کا تیسرا کیمپ کراچی میں لگایا جائے گا۔ انہوں نے کہاکہ ورلڈ کپ کیلیے17رکنی حتمی ٹیم کا نومبر کے پہلے ہفتے میں اعلان کر دیا جائے گا۔