آرمی چیف جنرل راحیل شریف سے امریکی قومی سلامتی کی مشیر سوزن رائس نے ملاقات کی ۔ ملاقات میں خطے کی سیکورٹی کی صورتحال اور باہمی دلچسپی کے امور پر تبادلہ خیال کیا گیا ۔
ڈی جی آئی ایس پی آر کے مطابق آرمی چیف جنرل راحیل شریف سے امریکی قومی سلامتی کی مشیر سوزن رائس نے جی ایچ کیو میں ملاقات کی ۔ آئی ایس پی آر کے مطابق ملاقات کے دوران باہمی دلچسپی کے امور اور خطے کی سیکورٹی کی صورتحال پر تفصیلی تبادلہ خیال کیا گیا ۔ آئی ایس پی آر کے مطابق سوزن رائس نے دہشتگردی کے خلاف جنگ میں پاک فوج کی مخلصانہ کوششوں اور قربانیوں کو سراہا ۔ آئی ایس پی آر کے مطابق ملاقات میں آرمی چیف اور سوزن رائس نے افغانستان میں قیام امن اور استحکام کی کوششیں جاری رکھنے پر اتفاق کیا ۔
