امریکی قومی سلامتی کی مشیر سوزن رائس کا کہنا ہے تیسری دنیا میں قیام امن اور استحکام کے لئے پاکستان کی حوصلہ افزائی کی ۔ وزیراعظم نوازشریف کو امریکی صدر کی جانب سے اکتوبر میں دورہ امریکہ کا دعوت دی ہے ۔
پاکستان کے دورے پر آئی ہوئیں امریکی قومی سلامتی کی مشیر سوزن رائس نے اپنے سوشل میڈیا پر پیغام میں کہا ہے کہ وزیراعظم ، آرمی چیف اور مشیرخارجہ سے ملاقاتوں کے دوران خطے میں قیام امن اور استحکام کے لئے پاکستانی کردار کی حوصلہ افزائی کی ۔ سوزن رائس نے اپنے پیغام میں کہا ہے کہ ملاقاتوں میں پاکستان کے ساتھ باہمی دلچسپی کے امور اور کثیرالجہتی معاملات پر تعاون بڑھانے پر بات چیت ہوئی ۔
سوشل میڈیا پیغام میں سوزن رائس کا کہنا ہے کہ وزیراعظم نوازشریف کو صدر باراک اوبامہ کی جانب سے اکتوبر میں دورہ امریکہ کی دعوت دی ۔
سوشل میڈیا پیغام کے مطابق پاکستانی سول سوسائٹی کے نمایندوں کیساتھ گول میزکانفرنس میں شرکت کی ، ان کا کہنا ہے انسانی حقوق کے لئے سول سوسائٹی کے اقدامات قابل تعریف ہیں۔
