ملکی حالات اور معاشی مشکلات کے باعث ایک سال میں سیکڑوں افراد خود کشی کرچکے ہیں۔ انہوں نے کہا کہ پاکستان وسائل کی دولت سے مالا مال ملک ہے۔ معدنیات کے ذخائر کسی بھی ترقی یافتہ ملک کی نسبت سب سے زیادہ ہونے کے باوجود ان وسائل سے اس انداز میں استفادہ نہیں کیا جارہا جس انداز میں ہونا چاہیے۔ محب وطن قیادت کا فقدان ملک وقوم کا سب سے بڑا مسئلہ ہے۔ جب تک دیانتدار قیادت میسر نہیں آجاتی، ہم ترقی نہیں کرسکتے۔ میاں مقصود احمد نے مزیدکہاکہ لوٹ مار اور من پسند افراد کی بھرتیوں کی وجہ سے منافع بخش اداے خسارے کا شکار ہیں۔ اقربا پروری، رشوت ستانی اور موروثیت کے باعث نااہل افراد اہم عہدوں پر تعینات ہیں۔ تنزلی کی بڑی وجہ اہل افرادکا اہم عہدوں پر فائز نہ ہونا ہے۔ جب تک قومی اداروں میں اہم عہدوں پر تعیناتیوں کے لیے میرٹ کو یقینی نہیں بنایاجاتاملک ترقی نہیں کرسکتا۔
