رینجرز نے میٹروول میں کارروائی کرتے ہوئے 3 دہشتگردوں کو گرفتار کر لیا ۔ ترجمان کے مطابق گرفتار دہشتگردوں کا تعلق کالعدم تنظیم سے ہے ۔
کراچی کے علاقے میٹروول میں رینجرز نے خفیہ اطلاع پر چھاپہ مار کے تین دہشتگردوں کو گرفتار کر کے بھاری مقدار میں اسلحہ برآمد کر لیا ۔ ترجمان رینجرز کے مطابق گرفتار دہشتگردوں کا تعلق کالعدم تنظیم سے ہے۔ ترجمان رینجرز کے مطابق گرفتار دہشتگردوں میں شیریں عرف استاد ، یار ربانی اور اختر شامل ہیں۔
ترجمان رینجرز کے مطابق گرفتار دہشتگردوں نے دوران تفتیش مختلف وارداتوں میں ملوث ہونے کا اعتراف کیا ہے ۔ گرفتار دہشتگرد ڈی ایس پی عبدالمجید اور ایس ایچ او شفیق تنولی کے قتل میں ملوث ہیں۔ ترجمان کے مطابق گرفتار دہشتگرد بھتاخوری ، اغوا برائے تاوان کی وارداتوں میں بھی ملوث رہے۔
