آرمی چیف جنرل راحیل شریف کی زیرصدارت کورکمانڈرز کانفرنس ختم ہو گئی ۔ کورکانفرنس میں فوج کی پیشہ ورانہ امور کا تفصیلی جائزہ لیا گیا ۔
ڈی جی آئی ایس پی آر کی طرف سے جاری ہونے والے بیان کے مطابق آرمی چیف جنرل راحیل شریف کی زیرصدارت کورکمانڈرز کانفرنس جی ایچ کیو راولپنڈی میں ہوئی ۔ کانفرنس میں ملک کی اندرونی اور بیرونی سیکورٹی صورتحال پر تفصیلی تبادلہ خیال کیا گیا ۔ آئی ایس پی آر کے مطابق کانفرنس میں فوج کی پیشہ ورانہ امور پر تفصیلی غور کیا گیا اور اطمینان کا اظہار کیاگیا ۔
آئی ایس پی آر کے مطابق آرمی چیف کی زیرصدارت ہونے والے اجلاس میں آپریشن ضرب عضب پر غور کیا گیا اور آپریشن سے ملنے والی کامیابیوں پر اطمینان کا اظہار کیا گیا اور اس کے ساتھ ساتھ کانفرنس میں ملک میں دہشتگردی کیخلاف جاری اور مستقبل میں ہونیوالے آپریشن پرغور کیاگیا ۔ کانفرنس میں ورکنگ باؤنڈری اور لائن آف کنٹرول پر بھارتی فوج کی خلاف ورزیوں کی صورتحال کا بھی جائزہ لیا گیا ۔
