یوم بحریہ کے موقع پر اپنے پیغام میں وزیراعظم نواز شریف کا کہنا ہے 1965 میں پاک بحریہ نے مشکل وقت میں فضائی افواج سے ملکر ہمت و شجاعت کے کارنامے رقم کئے ۔
اپنے پیغام میں وزیراعظم نوازشریف کا کہنا تھا پاک بحریہ پاکستان کی بحری حدود کی حفاظت انتہائی ذمے داری ، لگن اور مہارت سے کر رہی ہے ۔ ماضی میں ہماری بحریہ نے ملکی دفاع میں درخشاں روایات قائم کی ہیں ۔ وزیراعظم کا کہنا تھا خوشی ہے کہ پاک بحریہ مسلسل ترقی کے راستے پر گامزن ہے، اس بات پرفخر ہےکہ بحریہ دورجدید کے تقاضوں کے مطابق جہازوں ، آبدوزوں اور ہتھیاروں کو اپ گریڈ کر رہی ہے ۔ ان کا کہنا تھا یوم بحریہ پرپاکستان نیوی کے افسران اور جوانوں کو مبارکباد دیتا ہوں، وزیراعظم کا مزید کہنا تھا ہم توقع رکھتے ہیں کہ پاک بحریہ اپنےاعلیٰ معیارکوقائم رکھےگی۔
