پولیس نے کراچی ساؤتھ کے مختلف علاقوں میں کارروائی کرتے 8 ٹارگٹ کلرز کو گرفتار کر لیا ۔
میڈیا کو بریفنگ دیتے ہوئے ڈی آئی جی ساؤتھ ڈاکٹر جمیل احمد کا کہنا تھا پولیس نے کراچی ساؤتھ کے مختلف علاقوں میں کارروائی کرتے ہوئے 8 ٹارگٹ کلرز کو گرفتار کر کے بھاری مقدار میں اسلحہ برآمد کر لیا ۔ ڈی آئی جی ساؤتھ کا کہنا تھا گرفتار ملزمان ٹارگٹ کلنگ سمیت جرائم کی دیگر وارداتوں میں ملوث ہیں۔ ڈاکٹرجمیل احمد کا کہنا تھا گرفتار ملزمان کا تعلق سیاسی جماعت سے ہے، ان کا کہنا تھا ہم سیاسی جماعت کا نام بھی لے سکتے ہیں مگر کچھ مصلحتیں بھی ہوتی ہیں۔
ڈی آئی جی ساؤتھ کا کہنا تھا پہلے سے گرفتار دو ملزمان کی نشاندہی پر دیگر 6 ملزمان کو گرفتار کیا گیا ۔ گرفتار ملزمان نے قتل کی 12 وارداتوں کا اعتراف کیا ہے ۔ ملزمان سے ملنے والے سامان میں 2 رائفلز ، 6 موبائل فونز اور کار شامل ہے ۔
