ملتان کے علاقے وہاری چوک پر رکشے اور موٹر سائیکل کے درمیان تصادم کے نتیجے میں ہونےوالے دھماکے میں جاں بحق افراد کی تعداد 7 ہو گئی ہے جبکہ زخمیوں کی تعداد بھی 42 ہو گئی ہے ۔ لاشوں اور زخمیوں کو نشتر اسپتال منتقل کر دیا گیا ہے ۔
ملتان کے علاقے وہاڑی چوک پر رکشے میں گیس بھروانے کے دوران دھماکے سے رکشے کا سلنڈر پھٹ گیا جس سے 7 افراد موقعے پرہی جاں بحق ہو گئے جبکہ سی این جی اسٹیشن پر کھڑے 42 سے زائد لوگ شدید زخمی ہو گئے ۔ پولیس کے مطابق دھماکہ اس قدر زوردار تھا کہ قریبی عمارتوں کے شیشے ٹوٹ گئے ۔ پولیس کا کہنا ہے دھماکے کی نوعیت معلوم کرنے کی کوشش کر رہے ہیں ۔ ریسکیو ٹیموں نے لاشوں اور زخمیوں کو نشتر اسپتال منتقل کر دیا ہے جہاں اسپتال ذرائع کے مطابق 6 زخمیوں کی حالت تشویش ناک ہے ۔ دھماکے سے قریبی چار دکانوں میں بھی آگ لگ گئی ۔
