وزیرقانون پنجاب رانا ثناءاللہ کا کہنا ہے جہانگیرترین شکست کے خوف سے بچوں کی طرح شکایتیں لگا رہے ہیں۔
لاہور میں میڈیا سے گفتگو کرتے ہوئے وزیرقانون پنجاب کا کہنا تھا تحریک انصاف مقابلے سے بچنے کیلئے بہانے ڈھونڈ رہی ہے جبکہ جہانگیر ترین روز شکست کے خوف سے بچوں کی طرح شکایتیں لگا رہے ہیں ۔ رانا ثناء اللہ کا کہنا تھا تحریک انصاف احتجاجی سیاست کی بجائے تعمیری اور مثبت سوچ اپنائے، باتوں اور نعروں سے انقلاب اور تبدیلی نہیں آتی ، کام کرنا پڑتا ہے ۔ ان کا کہنا تھا عوام پوچھتے ہیں دھرنا پارٹی نے خیبرپختونخوا میں کتنے میگاواٹ بجلی پیدا کی۔
کسان پیکج سے حوالے سے بات چیت کرتے ہوئے وزیرقانون پنجاب رانا ثناءاللہ کا کہنا تھا حکومت نے 341 ارب روپے کا زرعی پیکج پیش کر کے کسانوں کے دل جیت لئے۔
