کراچی کے علاقے موسمیات کے قریب سی ٹی ڈی نے کارروائی کرتے ہوئے نیول ہیڈکوارٹرز پر حملے کی منصوبہ بندی کرنے والے دو دہشتگردوں کو گرفتار کر لیا ۔
ایس ایس پی سی ٹی ڈی جنید شیخ نے میڈیا کو تفصیلا ت بتاتے ہوئے کہا کہ گرفتار دہشتگردوں کو تعلق کالعدم تنظیم سے ہے ۔ ایس ایس پی کے مطابق گرفتار دہشتگرد نجی یونیورسٹی کے گریجوایٹ ہیں اور تحریک طالبان افغانستان اور پاکستان کے لئے کام کرتے تھے ۔
ایس ایس پی سی ٹی ڈی کا کہنا تھا گرفتار دہشتگردوں میں محمد ظریف اور عبدالغفور شامل ہیں جبکہ ان کے چار ساتھی روپوش ہیں ، ملزمان سے افغانستان کی 25 سمیں برآمد ہوئی ہیں جن سے ملزمان غیر قانونی طور پر ایکس چینج چلا رہے تھے ۔ جنید شیخ کا کہنا تھا ملزمان مذموم کارروائیوں کے لئے فنڈ اکٹھا کرتے تھے اور اس فنڈ کو ملزمان امریکا، افغانستان ، کینیڈا اور دیگر ممالک میں اپنےساتھیوں کو فرام کرتے تھے۔
ایس ایس پی جنید شیخ کا کہنا تھا دوران تفتیش ملزمان نے دہشت گردی کی17کارروائیوں میں سہولت فراہم کرنے کا اعتراف کیا، ملزمان سانحہ صفورا، سی آئی ڈی سول لائن پر حملے کے سہولت کار بھی ہیں۔
