قندوز کے ایک اسپتال پر امریکی اور نیٹو افواج کے فضائی حملے میں عملے کے تین ارکان سمیت 16 افراد جاں بحق اور 39 زخمی ہو گئے۔
غیر ملکی میڈیا کے مطابق افغانستان کے شمالی شہر قندوز کے اسپتال پر اتحادی افواج نے فضائی حملہ اس وقت کیا جب اسپتال میں عملے سمیت 100 سے زائد افراد موجود تھے ۔ غیر ملکی میڈیا کے مطابق فضائی حملہ 30 منٹ تک جاری رہا ۔ اسپتال انتظامیہ کا کہنا ہے حملے کے وقت اسپتال میں زیادہ تر افغان باشندے موجود تھے ۔
غیرملکی خبررساں ایجنسی کےمطابق فضائی حملے میں اسپتال عملے کے تین ارکار بھی جاں بحق ہوئے ہیں ۔ غیرملکی خبررساں ایجنسی کے مطابق نیٹو نے حملے کی ذمہ داری امریکی فوجیوں پر ڈالتے ہوئے اپنے بیان میں کہا کہ یو ایس فورسز نے دھمکیاں ملنے پر مقامی وقت کے مطابق دو بج کر پندرہ منٹ پر قندوز شہر پر بمباری کی جس میں ایم ایس ایف کا ہسپتال میں زد میں آگیا جس کی تحقیقات کی جارہی ہیں۔
