پاکستان اور سری لنکا کی انڈر 19 کرکٹ ٹیموں کے درمیان پہلا تین روزہ میچ کل سے سری لنکا کے شہر ماترا میں شروع ہو گا ۔
کولمبو: قومی انڈر 19 کرکٹ ٹیم عمران رفیق کی قیادت میں سری لنکا کی انڈر 19 کرکٹ ٹیم کے خلاف دو تین روزہ اور پانچ ایک روزہ میچز پر مشتمل سیریز کھیلے گی ۔ شیڈول کے مطابق پاکستانی ٹیم دوسرا سہ روزہ میچ 10 سے 12 اکتوبر تک ہمبنٹوٹا میں کھیلا جائے گا ۔ سہ روزہ سیریز کے بعد دونوں ٹیموں کے درمیان پانچ ون ڈے میچز کی سیریز کھیلی جائے گی ۔ پہلا میچ 16 اکتوبر کو ماترا میں کھیلا جائے گا جبکہ آخری چاروں میچز کولمبو میں کھیلے جائیں گے ۔ شیڈول کے مطابق دوسرا ون ڈے 19 اکتوبر ، تیسرا 21 اکتوبر ، چوتھا 23 اکتوبر اور پانچواں اور آخری ون ڈے میچ 25 اکتوبر کو کھیلا جائے گا ۔
