عراقی پارلیمنٹ کی دفاع اور سیکیورٹی کمیٹی کے سربراہ حکیم الزمیلی نے کہا ہے کہ داعش کے خلاف عراقی حکومت روس سے مدد کی درخواست کر سکتی ہے۔
غیرملکی خبررساں ایجنسی کے مطابق انہوں نے کہا کہ ان کا خیال ہے کہ اگلے چند ایام کے دوران عراقی حکومت کی درخواست پر روس شمالی عراق میں داعش کے ٹھکانوں پر ہوائی حملوں کا آغاز کر سکتا ہے۔ انہوں نے کہا کہ روسی حملوں کی درخواست شام میں اس کی کارروائی کے نتائج پر منحصر ہو گی۔واضح رہے کہ قبل ازیں عراقی وزیراعظم حیدر العبادی نے شمالی عراق میں داعش کے ٹھکانوں پرروسی حملوں کی پیشکش کا خیرمقدم کیا تھا ۔
