کرا چی ( اسٹاف رپورٹر ) ملکی زرمبادلہ کے ذخائر میں مسلسل کمی کا سلسلہ جاری ہے اور مجموعی زرمبادلہ مزید8کروڑ41لاکھ ڈالرز کمی سے 18ارب32کروڑ92لاکھ ڈالرز کی سطح پر آگئے ہیں۔
اسٹیٹ بینک آف پاکستان کے مطابق2مارچ کو ختم ہونے والے ہفتے پر مرکزی بینک کے ذخائر11کروڑ24لاکھ ڈالرز کمی سے 12ارب23کروڑ32لاکھ ڈالرز جبکہ کمرشل بینکوں کے ذخائر 2کروڑ83لاکھ ڈالرز اضافے سے 6ارب9کروڑ60لاکھ ڈالرز کی سطح پر ریکارڈ کئے گئے ،مرکزی بینک کی جانب سے گزشتہ ہفتے بیرونی قرضوں اور دیگر سرکاری مد میں ادائیگیوں کے باعث زرمبادلہ کے ذخائر میں کمی رہی۔
