میرا واحد قصور ہے کہ میں نوازشریف کی بیٹی ہوں، مریم نواز

اسلام آباد (مانیٹرنگ ڈیسک) مسلم لیگ (ن) کی رہنما مریم نواز کا کہنا ہے کہ میرا واحد قصور یہ ہے کہ میں نوازشریف کی بیٹی ہوں اس حیثیت سے ہرسزا کے لیے تیار ہوں۔اسلام آباد میں میڈیا سے بات کرتے ہوئے انہوں نے کہاکہ آج کے دور میں بیٹیاں سانجھی نہیں رہیں بلکہ آج کا دستور بیٹی کو باپ کی بڑی کمزوری بنا کر استعمال کرنا ہے۔ منصوبہ ساز جانتے ہیں باپ بیٹی کا رشتہ کتنا نازک ہوتا ہے، مجھے بھی بدعنوانی کی وجہ سے اس کیس میں ملوث نہیں کیا گیا بلکہ میرا واحد قصور ہے کہ میں نوازشریف کی بیٹی ہوں اور
فولاد کا دل رکھنے والے نوازشریف کو جھکانے کا واحد طریقہ بیٹی پر مقدمے بنانا ہے۔مریم نواز کا کہنا تھا کہ سب سے بڑی عدالت اللہ کی ہے،جہاں کوئی واٹس ایپ کالز نہیں ہوتیں۔ پاکستان کی بیٹی ہونے کی حیثیت سے ہر سزا کے لیے تیار ہوں اور میں اپنے والد کے بیانیے کے ساتھ کھڑی ہوں نوازشریف کی بیٹی اس کی کمزوری نہیں طاقت ہے۔